जिल्हा प्रसिद्धी प्रमुख हे मराठी पत्रकार परिषदेचे कान आणि डोळे आहे – :एस.एम.देशमुख

अहमदनगर (प्रतिनिधी): – जिल्हा प्रसिद्धी प्रमुख हे मराठी पत्रकार परिषदेचे कान आणि डोळे आहेत, ते कायम सतर्क असले पाहिजेत. परिषदेच्या उपक्रमांना आणि कार्यक्रमांना व्यापक प्रसिद्धी मिळवून देण्याबरोबरच जिल्ह्यात माध्यम क्षेत्रात घडणाऱ्या प्रत्येक बारिक सारिक गोष्टीवर त्यांनी सुक्ष्म नजर ठेऊन त्याचे गुप्त अहवाल परिषदेकडे पाठविण्याचे काम करावे असे आवाहन मराठी पत्रकार परिषदेचे मुख्य विश्‍वस्त एस.एम.देशमुख यांनी केले
मराठी पत्रकार परिषदेच्या जिल्हा प्रसिद्धी प्रमुखांची पहिली ऑनलाईन बैठक काल सोमवारी पार पडली.या बैठकीत मार्गदर्शन करताना देशमुख म्हणाले, अखिल भारतीय मराठी पत्रकार परिषदेच्या कार्यक्रमांना आणि उपक़मांना सोशल मिडिया, प्रिंट मिडिया आणि इलेक्ट्रॉनिक मिडियाच्या माध्यमातून नियमित आणि व्यापक प्रसिध्दी मिळविण्यासाठी जिल्हा प़सिध्दी प़मुखांनी प़यत्न केले पाहिजेत.. कारण मराठी पत्रकार परिषद ही पत्रकारांची उपक़मशील संघटना आहे.. पत्रकारांच्या हिताचे आणि हक्काचे वेगवेगळे उपक्रम, कार्यक़म परिषदेच्यावतीने सातत्याने राबविले जातात.. मात्र या उपक्रमांना हवी तशी प़सिध्दी मिळत नसल्याने परिषदेचे कार्य जनतेसमोर येत नाही.. ही उणीव दूर करण्यासाठी जिल्हा प़सिध्दी प्रमुखांनी जिल्हा, विभागीय आणि राज्य पातळीवरील दैनिकातून परिषदेच्या जास्तीत जास्त बातम्या प़सिध्द होतील याची काळजी घ्यावी.. तसेच जिल्हा प्रसिद्धी प्रमुखांनी ‘कान व डोळे’ ही भूमिका पार पाडताना आपल्या जिल्ह्यात पत्रकारांवर होणारे हल्ले, पत्रकारांचे करोनाने किंवा तत्सम आजाराने होणारे मृत्यू, पत्रकारांना उपचारासाठी मदतीची गरज असेल तर त्याची माहिती, पत्रकारांचे होणारे मान-सन्मान याची माहिती परिषदेकडे नियमितपणे पाठविली पाहिजे.
पत्रकारांना फ़न्टलाईन वर्कर म्हणून जाहीर करावे या मागणीसाठी राज्यव्यापी आंदोलन करण्याचा निर्णय लवकरच घेतला जाईल त्यासाठी सर्व पत्रकारांनी तयार राहावे असेही देशमुख यांनी जाहीर केले.
जिल्हा प्रसिध्दी प्रमुख म्हणून सर्वोत्कृष्ट कार्य करणाऱ्या प्रसिध्दी प्रमुखांचा पुरस्कार देऊन सन्मान करण्यात येईल अशी घोषणा अध्यक्ष गजानन नाईक यांनी केली.
राज्य प्रसिध्दी प्रमुख अनिल महाजन यांनी प्रास्ताविक केले. परिषदेचे कार्याध्यक्ष शरद पाबळे यांनी सूत्रसंचालन केले. यावेळी सरचिटणीस संजीव जोशी यांनी उपस्थितांना मार्गदर्शन केले.राज्य सोशल मिडिया सेलचे प्रमुख बापुसाहेब गोरे यांनी आभार मानले..
यावेळी उपस्थितांपैकी अहमदनगर प्रसिद्धी प्रमुख अमोल वैद्य, धुळे -नंदुरबार चे गोपी लांडगे आदींनी मौलिक सूचना केल्या. प्रसिध्दी प्रमुखांची दरमहा ऑनलाईन बैठक घेण्याचा निर्णय या बैठकीत घेण्यात आला.